जपून चाल्‌ पोरी जपून चाल्‌ बघणाऱ्या माणसाच्या जिवाचे हाल्‌ ! लाडाने वळून बघायची खोड्‌ नाजूक नखऱ्याला नाही या तोड्‌ डोळ्यांत काजळ, गुलाबी गाल्‌ ! केसात सुरंगी रंगात ग विजेची लवलव अंगात ग खट्याळ पदराला आवर घाल्‌ ! जिंकीत जिंकीत जातेस तू ज्वानीचं गाणं हे गातेस तू हासून होतेस लाजून लाल्‌ ! उरात लागलेत नाचाया मोर्‌ कोणाच्या गळ्याला लागेल दोर्‌ ? माझ्या या काळजाचा चुकेल ताल्‌ !
गीत	-	मंगेश पाडगावकर
संगीत	-	श्रीनिवास खळे
स्वर	-	अरुण दाते
www.aathavanitli-gani.com