काय पुरुष चळले बाई । ताळ मुळीं उरला नाहीं । धर्म-नीति शास्त्रें पायीं । तुडविती कसे हो ॥ साठ अधिक वर्षें भरलीं । नातवास पोरें झाली । तरिहि नव्या स्त्रीची मेली । हौस कशि असे हो ॥ घोडथेरड्यांना ऐशा । देति बाप पोरी कैशा । कांहि दुजी त्यांच्या नाशा । युक्ति कां नसे हो ॥ शास्त्रकुशल मोठे मोठे । धर्म-गुरुहि गेले कोठे । काय कर्म असलें खोटें । त्यांस नच दिसे हो ॥
गीत	-	गोविंद बल्ल्लाळ देवल
संगीत	-	गोविंद बल्ल्लाळ देवल
स्वर	-	बालगंधर्व
नाटक	-	संगीत शारदा (१८९९)
राग	-	पिलू (मूळ संहिता)
ताल	-	त्रिताल
www.aathavanitli-gani.com