कुठे शोधिसी रामेश्वर अन्‌ कुठे शोधिसी काशी हृदयातिल भगवंत राहिला हृदयातून उपाशी झाड फुलांनी आले बहरुन, तू न पाहिले डोळे उघडुन वर्षकाळी पाउसधारा, तुला न दिसला त्यात इषारा काय तुला उपयोग आंधळ्या दीप आसून उशाशी रुद्राक्षांच्या गळ्यात माळा, लाविलेस तू भस्म कपाळा कधी न घेउन नांगर हाती, पिकविलेस मातीतुनि मोती हाय आभाग्या भगवे नेसून घर संन्यासुन जाशी देव बोलतो बाळमुखातुन, देव डोलतो उंच पिकांतुन कधी होऊनी देव भिकारी, अन्नासाठी आर्त पुकारी अवती भवती असुन दिसेना, शोधितोस आकाशी
गीत	-	मंगेश पाडगावकर
संगीत	-	यशवंत देव
स्वर	-	सुधीर फडके
www.aathavanitli-gani.com