सूर मागू तुला मी कसा ? जीवना तू तसा, मी असा ! तू मला, मी तुला पाहिले एकमेकांस न्याहाळिले दुःख माझातुझा आरसा ! एकदाही मनासारखा तू न झालास माझा सखा खेळलो खेळ झाला जसा ! खूप झाले तुझे बोलणे खूप झाले तुझे कोपणे मी तरीही जसाच्या तसा ! रंग सारे तुझे झेलुनी शाप सारे तुझे घेउनी हिंडतो मीच वेडपिसा ! काय मागून काही मिळे ? का तुला गीत माझे कळे ? व्यर्थ हा अमृताचा वसा !
गीत	-	सुरेश भट
संगीत	-	पं. हृदयनाथ मंगेशकर
स्वर	-	अरुण दाते
www.aathavanitli-gani.com