एका तळ्यात होती बदके पिले सुरेख होते कुरूप वेडे पिल्लू तयात एक कोणी न तयास घेई खेळावयास संगे सर्वांहुनी निराळे ते वेगळे तरंगे दावूनि बोट त्याला, म्हणती हसून लोक आहे कुरूप वेडे पिल्लू तयांत एक पिल्लास दु:ख भारी, भोळे रडे स्वतःशी भावंड ना विचारी, सांगेल ते कुणाशी जे ते तयास टोची दावी उगाच धाक होते कुरूप वेडे पिल्लू तयांत एक एके दिनी परंतू पिल्लास त्या कळाले भय वेड पार त्याचे वा-यासवे पळाले पाण्यात पाहताना चोरूनिया क्षणैक त्याचेच त्या कळले, तो राजहंस एक
गीत	-	ग. दि. माडगूळकर
संगीत	-	श्रीनिवास खळे
स्वर	-	आशा भोसले
चित्रपट	-	सुखाचे सोबती (१९५८)
राग	-	भीमपलास (नादवेध)
www.aathavanitli-gani.com