अबीर गुलाल उधळीत रंग । नाथा घरी नाचे माझा सखा पांडुरंग ॥१॥ उंबरठ्यासी कैसे शिवू आम्ही जाती हीन । रूप तुझे कैसे पाहू त्यात आम्ही लीन । पायरीशी होऊ दंग गावूनी अभंग ॥२॥ वाळवंटी गावू आम्ही वाळवंटी नाचू । चंद्रभागेच्या पाण्याने अंग अंग न्हाऊ । विठ्ठलाचे नाम घेऊ हो‌उनी निःसंग ॥३॥ आषाढी कार्तिकी भक्तजन येती । पंढरीच्या वाळवंटी संत गोळा होती । चोखा म्हणे नाम घेता भक्त होती दंग ॥४॥
रचना	-	संत चोखामेळा
संगीत	-	राम फाटक
स्वर	-	पं. जितेंद्र अभिषेकी
राग	-	भूप, नट (नादवेध)
www.aathavanitli-gani.com