शब्द शब्द जुळवुनी वाचीते तुझ्या मना आवरु किती गडे, धीर नाही लोचना अजाणतेपणी कुणी, मला कुणास वाहिले असेल देव तो तरी, मी न त्यास पाहिले आंधळी कळी खुळी, मजसि काय कल्पना उघडताच पाकळी, लाभली तुझी दिठी तुजसि देव मानुनी, घातली गडे मिठी नितीपाठ ओरडे, हीच पापवासना पापपुण्या ना कळे, उरे उरात आस रे हेच पाय पूजिणे, असा जिवास ध्यास रे देव तू उभा सजीव घ्यावयास पूजना
गीत	-	ग. दि. माडगूळकर
संगीत	-	दत्ता डावजेकर
स्वर	-	सुमन कल्याणपूर
चित्रपट	-	सुखाची सावली (१९६३)
www.aathavanitli-gani.com