कबिराचे विणतो शेले, कौसल्येचा राम भाबड्या या भक्तासाठी, देव करी काम ! एक एकतारी हाती, भक्त गाई गीत एक एक धागा जोडी, जानकिचा नाथ राजा घनःश्याम ! दास रामनामी रंगे, राम होइ दास एक एक धागा गुंते, रूप ये पटास राजा घनःश्याम ! विणुन सर्व झाला शेला, पूर्ण होइ काम ठायि ठायि शेल्यावरती, दिसे रामनाम राजा घनःश्याम ! हळु हळु उघडी डोळे, पाहि तो कबीर विणूनिया शेला गेला, सखा रघुवीर कुठे म्हणे राम ?
गीत	-	ग. दि. माडगूळकर
संगीत	-	पु. ल. देशपांडे
स्वर	-	माणिक वर्मा
चित्रपट	-	देव पावला (१९५०)
राग	-	यमन (नादवेध)
www.aathavanitli-gani.com