जा मुलि शकुंतले, सासरी आवरी डोळ्यांमधल्या सरी ! वडिल मंडळी असतिल कोणी वागच त्यांच्या अर्ध्या वचनी सवतीलागी मानुन बहिणी राहि सदा हासरी ! पतिसेवा हे ब्रीद आपुले देवाहुन ती थोर पाउले रागेजुन ते जरी बोलले बोलु नको त्यावरी ! दोन्ही कुळांचे नाव वाढवी पतिव्रतेची पदवी मिळवी संसारी तुज वाण नसावी लक्ष्मी तू साजिरी !
गीत	-	ग. दि. माडगूळकर
संगीत	-	पु. ल. देशपांडे
स्वर	-	माणिक वर्मा
चित्रपट	-	देव पावला (१९५०)
www.aathavanitli-gani.com