शरदाचे चांदणे, मधुवनी, फुलला निशिगंध नाचतो गोपीजनवृंद, वाजवी पावा गोविंद ! पैंजणे रुणझुणती, मेखला कटिवर किणकिणती वाहते यमुनाजळ धुंद, वाजवी पावा गोविंद ! वारा झुळझुळतो, फुलांचा सुगंध दरवळतो सांडतो भरुनी आनंद, वाजवी पावा गोविंद ! धरुनिया फेर हरीभवती, गोजिऱ्या गोपी गुण्गुणती आगळा रासांचा छंद, वाजवी पावा गोविंद !
गीत	-	ग. दि. माडगूळकर
संगीत	-	सुधीर फडके
स्वर	-	माणिक वर्मा
www.aathavanitli-gani.com