पाऊस आला वारा आला पान लागले नाचू थेंब टपोरे गोरे गोरे भर भर गारा वेचू ! गरगर गिरकी घेते झाड धडधड वाजे दार कवाड अंगणातही बघता बघता पाणी लागे साचू ! अंगे झाली ओलीचिंब झुलू लागला दारी लिंब ओली नक्षी पाऊसपक्षी कुणी पाहतो वाचू ! ओसरुनी सर गेली रे उन्हे ढगांतुन आली रे इंद्रधनुष्यामध्ये झळकती हिरे माणके पाचू !
गीत	-	शांता शेळके
संगीत	-	श्रीनिवास खळे
स्वर	-	सुषमा श्रेष्ठ
www.aathavanitli-gani.com