जरा चुकीचे, जरा बरोबर बोलू काही ! चला दोस्तहो आयुष्यावर बोलू काही ! उगाच वळसे शब्दांचे हे देत रहा तू भिडले नाहीत डोळे तोवर बोलू काही चला दोस्तहो आयुष्यावर बोलू काही ! तुफान पाहुन तीरावर कुजबुजल्या होड्या पाठ फिरू दे त्याची नंतर बोलू काही चला दोस्तहो आयुष्यावर बोलू काही ! हवेहवेसे दुःख तुला जर हवेच आहे नकोनकोसे हळवे कातर बोलू काही चला दोस्तहो आयुष्यावर बोलू काही ! उद्या-उद्याची किती काळजी बघ रांगेतुन - परवा आहे उद्याच नंतर बोलू काही चला दोस्तहो आयुष्यावर बोलू काही ! शब्द असू दे हातामध्ये काठी म्हणुनी वाट आंधळी प्रवास खडतर बोलू काही चला दोस्तहो आयुष्यावर बोलू काही !
गीत	-	संदीप खरे
संगीत	-	संदीप खरे
स्वर	-	संदीप खरे, सलील कुलकर्णी
अल्बम	-	आयुष्यावर बोलू काही (२००३)
www.aathavanitli-gani.com