दिवस आजचा असाच गेला उद्या तरी याल का ? राया अशी, जवळ मला घ्याल का ? पैठणी जांभळी जरीबुंद नेसुनी मी वाट पाहते केव्हाची बैसुनी ही घडीमागुनी घडी जातसे सुनी जागरणाने जळती डोळे; काजळ घालाल का ? किती किती योजिले होते बोलायचे मज गूज मनीचे होते खोलायचे संगतीत तुमच्या होते उमलायचे कळ्या आजच्या शिळ्या उद्याला; ओठाशी न्याल का ? या सरत्या राती तळमळते मी अशी लोळते पलंगी पुन्हा बदलते कुशी मज रुते बिछाना, नको नको ही उशी हवा वाटतो हात उशाला, सजणा तुम्हि द्याल का ?     गीत - शांता शेळके संगीत - पं. जितेन्द्र अभिषेकी स्वर - क्षमा बाजीकर नाटक - हे बंध रेशमाचे (१९६८)