रूपसुंदर सखी साजिरी गुणखणी दूर जाता उरे काय या जीवनी ? पाहु कोठे अता मोहना ती प्रिया ? शांतवू मी कसा विकल हृदयास या ? प्रीतिसुम लोपले एकदा उमलुनी ! हरपली माधुरी, संपली चारुता राहिली व्यापुनी अंतरा शून्यता आज वीणेवरी मूक हो रागिणी ! रमविती ना जिवा रम्य संध्याउषा काय मजला अता पौर्णिमेची निशा ? आग ओली झरो शीत ज्योत्स्नेतुनी !     गीत - शांता शेळके संगीत - पं. जितेंद्र अभिषेकी स्वर - अरविंद पिळगावकर नाटक - वासवदत्ता (१९७०)