हरिचे प्यारे हरिजन सारे समतेच्या मंदिरी कुणी न मालक, कुणी न सेवक जनता येथे राज्य करी गगनभेदी उंच हवेली तिथेच काही दीन झोपडी शाल पांघरुन धनिक झोपतो वस्त्राविण ही गरिबी उघडी धनिक न कोणी, गरीब न कोणी, एक चूल ती घरोघरी प्रत्येकाचे नाव प्रभू तो कणाकणावर सदैव लिहितो ज्याचे त्याला कण ते मिळता कोण उपाशी कसा राहतो ? कुणी न उपाशी, कुणी न अधाशी, नसेल जेथे कुणी भिकारी मायपित्याचे दर्शन घ्याया वंचित झालो आम्ही लेकरे बंधमुक्त ही त्यास कराया एकजुटीने चला चला रे आम्ही न साधु, आम्ही न भोंदु, सत्यशांतीचे आम्ही पुजारी     गीत - पी. सावळाराम संगीत - विश्वनाथ मोरे स्वर - जयवंत कुलकर्णी चित्रपट - माय माउली (१९७१)