दिली कोंबड्याने बांग, विझे चांदण्याची रात ये जाग पाखरांना, तो ऐक किलबिलाट झाली भली पहाट रे ऊठ रानराजा, झाली भली पहाट मुक्या लेकराची माय, हंबरते माझी गाय घे ओढ वासरू ते, रुतली गळ्यात गाठ उरी लेकराची आस, झरे माउलीची कास त्या झेलताच धारा, आला भरून माठ लागे दुडुदुडु करू, खुळे शेळीचे कोकरू येताच माय चाटु, ते थांबले मुकाट अंगे झिंझाडून सैल, उभे ठाकले रे बैल गवतात झोपलेली न्हाली दवात वाट     गीत - ग. दि. माडगूळकर संगीत - वसंत पवार स्वर - आशा भोसले चित्रपट - सांगते ऐका (१९५९)