मी सुखाने नाहले काल जे स्वप्नात आले, आज डोळा पाहिले बावरी, भोळी, खुळी ग, मी स्वतःशी बोलते बोलके हितगूज सारे वैभवाशी चालते शब्द होता भावनेचे, मी सुरांतुन गाइले लेउनी सौभाग्यलेणे मी रहावे स्वागता नाथ येता मी हसावे लाज नयनी जागता लाडक्या देवासवे मी लीन हो‍उन राहिले अमृताची ही घडी अन्‌ अमृताचे चांदणे अमृताचा स्पर्श होता काय मागू मागणे धन्य झाली आज काया धन्य जीवन जाहले     गीत - जगदीश खेबुडकर संगीत - प्रभाकर जोग स्वर - आशा भोसले चित्रपट - चुडा तुझा सावित्रीचा (१९७१)