दर्पणी बघते मी गोपाळा साज सुगंधी करू कशाला ? कोमल माझ्या प्रतिबिंबातुन, बिंब तयाचे बघते न्याहळुन नेत्र फुलांची होता पखरण, फुलवेणी ही घालु कशाला ? स्वैर अजाणु पाठीवरती, श्यामल कुरळे कुंतल रुळती सुंदरतेला मिळता मुक्ती, मोहबंधनी बांधु कशाला ? भरता चिंतन नयनी अंजन गोविंदाचे घडता दर्शन भक्तीचे हे बांधुन पैंजण, लोकरंजनी नाचु कशाला     गीत - पी. सावळाराम संगीत - वसंत प्रभू स्वर - आशा भोसले