सावज माझं गवसलं सावज माझं गवसलं ॥ अरे अरे सावजा विसरू नको उगाच गमजा करू नको तीर सरासर माझा सुटता कुणीच नाही ग बचावलं ॥ लखलख लखलख माझा बाण करील तुझी रे दाणादाण्‌ मदन-धनूच्या बाणालाही जयानं चटकन्‌ हरवलं ॥ अशी तशी मी नसे कुणी मी वनराणी रूपखनी रस राजांनी नवीन यौवन तनमन माझं सजवलं ॥ पार्वतीच्या शंकरानं गिरिजेच्या गिरीशानं दुर्गेच्या ग दुर्गेशानं माझ्यावरी कृपा केली ॥     गीत - विद्याधर गोखले संगीत - वसंत देसाई स्वर - जयश्री शेजवाडकर नाटक - जय जय गौरीशंकर (१९६६)