जादुगारिणी सखे साजणी थांब जराशी ग   प्रेमभाव नजरेत दाविले तूच आधी मज नादि लाविले गोड हसुनिया हृदयि फुलविल्या गुलाब-राशी ग   तुझ्या संगती गिरिकंदरही राजमंदिराहुनि सुखदायी तू माझी तर तुच्छ अवांतर सौख्य-मिराशी ग   दोन जिवांचे जातक जुळले भाग्यलेख प्रीतिने उजळले जगास मानू उगा जुमानू का ग्रहराशी ग   स्फूर्ति-तारका तू झगमगती करू जोडिने प्रवास जगती सदा बिलगली हीच एकली आस उराशी ग     गीत - स. अ. शुक्ल संगीत - जी. एन्‌. जोशी स्वर - जी. एन्‌. जोशी