आठवणी दाटतात ! धुके जसे पसरावे जे घडले ते सगळे सांग कसे विसरावे विसरावे नाव-गाव, विसरावे हावभाव मूक भाव नजरेतिल हृदयाला उमजावे ! आठवणी दाटतात ! रात्र अशी अंधारी, उरलेली संसारी सोबतीस पहाटेस विरहाचे स्वप्न हवे ! आठवणी दाटतात ! स्वप्नातिल जादु अशी, मज गमते अविनाशी प्रेम तुझे सत्य गमे, त्यास कसे विसरावे ? आठवणी दाटतात !     गीत - योगेश्वर अभ्यंकर संगीत - एस्‌. जी. गोखले स्वर - सुमती टिकेकर राग - चंद्रकंस (नादवेध)