इथे मिळाली सागर-सरिता, ही प्रितीची एकरूपता इथे मिळाली ! कमलफुलांचे सुगंध सिंचन, की भ्रमराला गोड निमंत्रण मिटे पाकळी मीलन घडता, ही प्रितीची एकरूपता इथे मिळाली ! या धरणीची हाक ऐकली, निळे गगन हे झुकले खाली क्षितिजावरही प्रेम सांगता, ही प्रितीची एकरूपता इथे मिळाली ! बांधु अपुले घरकुल चिमणे, तुझियासाठी माझे जगणे मरणा येईल चिरंजीविता, ही प्रितीची एकरूपता इथे मिळाली !     गीत - जगदीश खेबूडकर संगीत - हेमंत केदार स्वर - कृष्णा कल्ले, महेंद्र कपूर चित्रपट - तोचि साधु ओळखावा (१९६६)