गोकुळीच्या ग आम्ही नारी, छळितो बाई तुझा मुरारी खोड्या करितो ग अमुच्या भारी असा कसा खट्याळ तुझा कान्हा, यशोदे तुझा कान्हा काही केल्या मला आवरेना ग बाई आवरेना ! मध्यरात्री आला चोरावाणी, यांची बांधिली दाढी आणि माझी वेणी ओढाओढीत मोडल्या आमच्या माना की बाई आमच्या माना काही केल्या मला आवरेना ग बाई आवरेना ! मथुरेची हा अडवितो वाट, ओढितो दह्या दुधाचे ग माठ भर रस्त्यात घाली धिंगाणा की बाई धिंगाणा काही केल्या मला आवरेना ग बाई आवरेना !     गीत - कवि संजीव संगीत - वसंतकुमार मोहिते स्वर - आशा भोसले चित्रपट - भाऊ बीज (१९५५)