मज नकोत अश्रू घाम हवा हा नव्या युगाचा मंत्र नवा ! होते तैसी अजून उते मी सधन अन्नदा सुवर्णभुमी खंडतुल्य या माझ्या धामी का बुभुक्षितांचा रडे थवा ? अपार लक्ष्मी माझ्या पोटी का फिरसी मग माझ्या पाठी एक मूठभर अन्नासाठी, जगतोस तरी का भ्याड जीवा ? काय लाविसी हात कपाळी फेकून दे ती दुबळी झोळी जाळ आळसाची तव होळी तू जिंक बळाने पराभवा ! मोल श्रमाचे तुला कळू दे हात मळू दे, घाम गळू दे सुखासिनता पूर्ण जळू दे दैन्यास तुझ्या हा एक दवा !     गीत - ग. दि. माडगूळकर संगीत - स्नेहल भाटकर स्वर - सुमन कल्याणपूर चित्रपट - अन्नपूर्णा (१९६८) राग - मालकंस (संगीत यात्रा)