एक एक पाउल उचली, चाल निश्चयाने नको बावरूनि जाऊ नियतीच्या भयाने ! पंख नाहि दिधले मनुजा जरि ईश्वराने खंत काय धरिली त्याचि कधी मानवाने अधांतरि उडति त्याच्या यशाचि विमाने नको बावरूनि जाऊ नियतीच्या भयाने ! सूर्य चंद्र नसता गगनि काजळे धरित्री प्रकाशास कोंडी मानव वीज काचपात्री तारकास लाजविते ते दीप शामदाने नको बावरूनि जाऊ नियतीच्या भयाने ! तुझ्या मागुति मी यावे असे स्वप्न होते पुढे हो‍उनिया आता तुला हात देते ऊठ चाल बघसि का रे असा विस्मयाने नको बावरूनि जाऊ नियतीच्या भयाने !     गीत - ग. दि. माडगूळकर संगीत - स्नेहल भाटकर स्वर - सुमन कल्याणपूर चित्रपट - अन्नपूर्णा (१९६८)