सांज आली दूरातून, क्षितिजाच्या गंधातून ! मनी नकार दाटले, हात हातीचे सुटले मागे वळून पाहता शब्दभाव सर्व पुसले आले जीवन काळोखे सारे समोर दाटून ! कळी कळी वेचताना अशी संध्याकाळ झाली घराकडे वळणारी वाट अंधारी बुडाली नामरूपहीन वृक्ष उभे भिती पांघरून ! आत बाहेर घेरून आल्या घनदाट छाया चुकलेल्या गुरापरी जीव लागे हंबराया कळी कळी वेचताना वेळ गेलीसे टळून !     गीत - शांता शेळके संगीत - भास्कर चंदावरकर स्वर - सुमन कल्याणपूर चित्रपट - गारंबीचा बापू (१९८०)