चंदनाच्या पलंगी शेज मखमली लाल दोन उशा रेशमी गरम लोकरी शाल पर झोप नाही आली जागरण झालं काल रंग महाली उब असून का काटा फुलतोय नवा ग बाई बाई झोंबतो गारवा ! अंग नाजूक ग मला रुतली उशी आली जांभई ग निजले बदलून कुशी खिडकीमधुनी खुणवत होता चवथीचा चांदवा ग बाई बाई झोंबतो गारवा ! रागारागानं गेले मी कोन्यात ग चिंब न्हाऊन मी पाहिलं ऐन्यात ग मनात माझ्या घुमु लागला मदनाचा पारवा ग बाई बाई झोंबतो गारवा ! आज आला तुम्ही माझी केली कदर झाली नजरानजर घेते लाजून पदर खुशाल यावं जवळी घ्यावं धरून हात आडवा ग बाई बाई झोंबतो गारवा !     गीत - जगदीश खेबुडकर संगीत - राम कदम स्वर - आशा भोसले चित्रपट - गणानं घुंगरू हरवलं (१४४६)