मैत्रिणींनो थांबा थोडं खुशाल मागनं हसा ! चला इचारु या येडीला संसार करशील कसा ? गोरीपान ही काया कवळी, ओल्या हळदीनं होईल पिवळी लगीन होता सासरी जाता जीव होईल ग पिसा ! पी पी सनई, तडाम्‌ चौघडा, पंचकल्याणी येईल घोडा त्यावर दोघं बसा ! अगं मैत्रिणींनो थांबा थोडं खुशाल मागनं हसा ! चला इचारु या येडीला संसार करशील कसा ? नाद नसावा शेजारणीचा, मंतर देतील कानफुटीचा मनोमनी ग पती पुजावा देवावानी जसा ! दान-धर्माला म्होरं होऊन, कुणि भिकारी दारी पाहुन द्यावा ओंजळ पसा ! अगं मैत्रिणींनो थांबा थोडं खुशाल मागनं हसा ! चला इचारु या येडीला संसार करशील कसा ? नव्या नवरीनं थोडं हसावं, सुगरणिवाणि काम दिसावं घरंदाज या कुलशिलाचा वटित घे ग वसा ! अगं मैत्रिणींनो थांबा थोडं खुशाल मागनं हसा ! चला इचारु या येडीला संसार करशील कसा ?     गीत - जगदीश खेबुडकर संगीत - राम कदम स्वर - कृष्णा कल्ले, पुष्पा पागधरे व इतर चित्रपट - आई उदे ग अंबाबाई (१९७१)