जाशिल कोठे मुली तू ? नेशिल तेथे मुला तू ! नेऊ कुठे मी तुला सुंदरी स्वप्नात ने यक्ष भूमीवरी स्वप्न कोठे वसे ? त्यात जावे कसे ? हात हाती धरी संगती चाल तू ! प्रितिचा प्रांत का अजुन ना लागला भृंग गाति पहा चुंबताना फुला वृक्ष आणि लता, डोलति बिलगता पाहुनि घे गडे प्रितीची रीत तू ! आनंद लाभे मना लोचना प्रितीमुळे ही फुले भावना ती कथा राहिली, प्रीत ना पाहिली पांघरू पाहतो व्यर्थ का वेड तू ?     गीत - ग. दि. माडगूळकर संगीत - सुधीर फडके स्वर - आशा भोसले, रवींद्र साठे चित्रपट - आराम हराम आहे (१९७६)