पहा टाकले पुसुनी डोळे गिळला मी हुंदका, रणांगणी जा सुखे राजसा परतुनि पाहू नका ! झडे दुंदुभी झडे चौघडा रणरंगाचा हर्ष केवढा एकदाच जन्मात लाभते ही असली घटिका ! शकुनगाठ पदरास बांधुनी निरोप देते तुम्हा हसुनी आणि लाविते भाळी तुमच्या विजयाच्या तिलका ! या देशाची पवित्र माती इथे वीरवर जन्मा येती तोच वारसा तुम्ही पोचवा येणाऱ्या शतका !     गीत - शांता शेळके संगीत - पं. हृदयनाथ मंगेशकर स्वर - लता मंगेशकर