"शशिकुलभूषण सदया । मत्प्राणेश्वर विजया । विनवी ही तव जाया । मान्य कराया ॥ अर्पियली ही काया । तव चरणीं पतिराया । ठाउक असुनी हें सखया । त्यजली कां माया ॥ मज दुर्योधनाहातीं । द्याया निश्चय करिती । बंधू ते नायकिती । बघतां अंत किती ॥ समयीं नाहीं आलां । देइन मी प्राणाला । धाडियलीसे मला । खूण तुम्हांला ॥" रिपु नेतां भार्येसी । सुचली यात्रा कैसी । याहुनि हो‍उनि संन्यासी । न्या मज सेवेसी ।     गीत - अण्णासाहेब किर्लोस्कर संगीत - अण्णासाहेब किर्लोस्कर स्वर - ??? नाटक - संगीत सौभद्र (१८८२)