आला आला वारा संगे पावसाच्या धारा पाठवणी करा सया निघाल्या सासुरा नव्या नवतीचं बाई लकाकतं रूप माखलं ग ऊन जणू हळदीचा लेप ओठी हसू पापणीत आसवांचा झरा आजवरी यांना किती जपलं जपलं काळजाचं पानी किती शिपलं शिपलं चेतवून प्राण यांना दिला ग उबारा येगळीच माती आता येगळीच दुनिया आभाळाची माया बाई करील किमया फुलेल ग पावसानं मुलुख हा सारा     गीत - सुधीर मोघे संगीत - पं. हृदयनाथ मंगेशकर स्वर - आशा भोसले, अनुराधा पौडवाल चित्रपट - हा खेळ सावल्यांचा (१९७६)