काय बाई सांगू ? कसं गं सांगू ? मलाच माझी वाटे लाज काही तरी होऊन गेलंय आज ! उगीच फुलुनी आलं फूल उगिच जीवाला पडली भूल त्या रंगाचा, त्या गंधाचा अंगावर मी ल्याले साज काही तरी होऊन गेलंय आज ! जरी लाजरी, झाले धीट बघत रहिले त्याला नीट कुळवंताची पोर कशी मी विसरुन गेले रीतरिवाज ? काही तरी होऊन गेलंय आज ! सहज बोलले हसले मी मलाच हरवुन बसले मी एक अनावर जडली बाधा नाहि चालला काही इलाज काही तरी होऊन गेलंय आज !     गीत - शांता शेळके संगीत - पं. हृदयनाथ मंगेशकर स्वर - उषा मंगेशकर चित्रपट - पवना काठचा धोंडी (१९६६)