आली आली सर ही ओली खुलवित धुंद अशी बरसात छुम्‌ छुम्‌ पैंजण पायी बांधून सजले मी दिनरात आली आली सर ही ओली ! मला प्रितीची झाली बाधा, गोकुळची झाले राधा नंदनवन खुलले, फुलले माझिया हृदयात आली आली सर ही ओली ! हसते मजला यमुनेचे जळ, कदंब हसतो गाली अवखळ हरिची मुरली मधुर छेडिते धून नवी अधरात आली आली सर ही ओली ! द्रिष्ट लागू नये सौख्याला, अनुपम या सौभाग्याला मोद मनी मानसी दाटे मावेना गगनात आली आली सर ही ओली !     गीत - गंगाधर महांबरे संगीत - श्रीनिवास खळे स्वर - आशा भोसले चित्रपट - सोबती (१९७९)