गगन, सदन तेजोमय तिमिर हरुन करुणाकर दे प्रकाश, देई अभय छाया तव, माया तव हेच परम पुण्यधाम वाऱ्यातुन, ताऱ्यातुन वाचले तुझेच नाम जग, जीवन, जनन, मरण हे तुझेच रूप सदय वासंतिक कुसुमातुन तूच मधुर हासतोस मेघांच्या धारांतुन प्रेमरूप भासतोस कधि येशील चपल चरण वाहिले तुलाच ह्रुदय भवमोचन हे लोचन तुजसाठी दोन दिवे कंठातिल स्वर मंजुळ भावमधुर गीत नवे सकल-शरण, मनमोहन सृजन तूच, तूच विलय     गीत - वसंत बापट संगीत - पं. हृदयनाथ मंगेशकर स्वर - लता मंगेशकर चित्रपट - उंबरठा (१९८१) राग - तिलककामोद (नादवेध)