त्याची माझी प्रीत अलौकीक दिशा जाणती चारी ग आता कसली चोरी ग तो नगरीचा झाला राजा मी म्हणते पण केवळ माझा त्याच्या भवती धरिती फेर स्वप्ने माझी सारी ग आता कसली चोरी ग फुलात दिसती त्याचे डोळे सुगंधात सहवास दरवळे स्मरणे त्याच्या घेई लालिमा कांती माझी गोरी ग आता कसली चोरी ग वावरता मी त्याच्या मागे पदापदावर सुदैव जागे सप्तपदीला विलंब का मग तोरण विलसो दारी ग आता कसली चोरी ग     गीत - ग. दि. माडगूळकर संगीत - सुधीर फडके स्वर - आशा भोसले चित्रपट - देवमाणूस (१९७०)