डोळे माझे, त्यात तुझे रूप कसे ? ओठ माझे, त्यात तुझे गीत कसे ? चित्त माझे, त्यात तुझी प्रीत कशी ? वीज इथे, आग तिथे, सांग कशी ? नीज माझी, त्यात तुझे स्वप्न कसे ? चाल माझी, त्यात तुझा डौल कसा ? स्पर्श तिथे, कंप इथे, सांग कसा ? गाल माझे, त्यात तुझे रंग कसे ? चंद्र माझा, त्यात तुझा डाग कसा ? देह इथे, प्राण तिथे, सांग कसा ? चाल माझी, त्यात तुझे सूर कसे ? श्वास माझा, त्यात तुझी ओढ कशी ? चोर तिथे, चोरी इथे, सांग कशी ? वेध माझा, त्यात तुझे तीर कसे ?     गीत - मधुसूदन कालेलकर संगीत - सुधीर फडके स्वर - सुमन कल्याणपूर, सुधीर फडके चित्रपट - लग्नाला जातो मी (१९६०)