स्वप्नात साजणा येशील का ? चित्रात रंग हे भरशील का ? मी जीवन गाणे गावे, तू स्वरात चिंब भिजावे दोघांनी हरवून जावे, ही किमया नकळत करशील का ? ही धूंद प्रीतीची बाग, प्रणयाला आली जाग रोमांचित गोरे अंग, विळख्यात रेशमी धरशील का ? प्रतिमेचे चुंबन घेता, जणू स्वर्गच येई हाता मधुमिलन होता होता, देहात भरून तू उरशील का ?     गीत - जगदीश खेबुडकर संगीत - विश्वनाथ मोरे स्वर - आशा भोसले चित्रपट - गोंधळात गोंधळ (१९८१) राग - गोरख कल्याण (संगीत-सरिता)