दिसते मजला सुखचित्र नवे मी संसार माझा रेखिते ! प्रीत तुझी माझी फुलावी या फुलत्या वेलीपरी भाव मुके ओठांत यावे गंध जसा सुमनांतरी शब्दाविना मनभावना अवघ्याच मी तुज सांगते ! हात तुझा हाती असावा, साथ तुझी जन्मांतरी मी तुझिया मागून यावे, आस ही माझ्या उरी तुजसंगती क्षण रंगती निमिषात मी युग पाहते ! स्वर्ग मिळे धरणीस येथे रंग नवे गगनांगणी सप्तसुर लेवून यावी रगिणी अनुरागिणी तुझियासवे सुखवैभवे सौभाग्य हे नित मागते !     गीत - शांता शेळके संगीत - अनिल-अरुण स्वर - अनुराधा पौडवाल चित्रपट - अष्टविनायक (१९७९) राग - पहाडी (नादवेध)