हसतेस अशि का मनी ? कोण ग उभे तुझ्या अंगणी ? कितिकदा वळुनि पाहशी अन्‌ पुन्हा नजर वळविशी हा लपंडाव खेळशी कोण ग उभे तुझ्या अंगणी ? अडविसी मुखावर हसे थरकप ह्रुदयी होतसे लागले कुणाचे पिसे कोण ग उभे तुझ्या अंगणी ? वळते न जीभ का मुकी ? रक्तिमा पसरतो मुखी ? रेखिले चित्र हे कुणी ! कोण ग उभे तुझ्या अंगणी ? कोण ग ? तेच का गडे ? पण कशास हो एवढे ? अगबाइ मुळि न आवडे नव्हे का नावहि संभाषणी ? कोण ग उभे तुझ्या अंगणी ?     गीत - राजा बढे संगीत - नागेश मसुतो स्वर - लता मंगेशकर