हसले आधी कुणी ? तू का मी ? सहज तुला मी रे सख्या पाहिले तू बघता मी ग तुला पाहिले त्या पाहण्याचे वेड लागता त्या वेडाचा तू अर्थ सांगता हसले आधी कुणी ? तू का मी ? अवचित तुझी रे भेटची होता पदर सावरी ढळला नसता बिजली परी मी निघूनी जाता मागे वळूनी तू हळूच पाहता हसले आधी कुणी ? तू का मी ? नाही भेटले बळेच तुजला कळले सखये जेव्हा मजला परस्परावरी रुसता फुगता जवळ येऊनी दूरची सरता हसले आधी कुणी ? तू का मी ?     गीत - पी. सावळाराम संगीत - वसंत देसाई स्वर - आशा भोसले, तलत मेहमूद चित्रपट - मोलकरीण (१९६३)