तुला न कळले, मला न कळले कसे प्रीतिचे धागे जुळले ! ते डोळ्यांचे पहिले मीलन ते पहिले स्मित, ते संवेदन शब्दाहुन ते गोड मुकेपण कसे कळीचे फूल उमलले ? थोडी लज्जा, थोडी भीती ओढ अनावर, आतुरता ती कशी जागली हृदयी प्रीती ? कसे मनातुन गीत उजळले ? स्पर्ष लाजरा होता पहिला काळ थांबुनी उभा राहिला कणाकणातुन वसंत फुलला कुणीकुणाला कसे जिंकिले ?     गीत - शांता शेळके संगीत - सुधीर फडके स्वर - आशा भोसले, सुधीर फडके चित्रपट - कलंकशोभा (१९६१)