माझे जीवन गाणे, माझे जीवन गाणे ! व्यथा असो आनंद असू दे प्रकाश किंवा तिमीर असू दे वाट दिसो अथवा न दिसू दे, गात पुढे मज जाणे ! कधी ऐकतो गीत झऱ्यातुन वंशवनाच्या कधी मनातुन कधि वाऱ्यातुन, कधि ताऱ्यांतुन झुळझुळतात तराणे ! तो लीलाघन सत्य चिरंतन फुलापरी उमले गीतातुन स्वरास्वरातुन आनंदाचे नित्य नवे नजराणे ! गा विहगांनो माझ्यासंगे सुरांवरी हा जीव तरंगे तुमच्यापरि माझ्याहि स्वरांतुन उसळे प्रेम दिवाणे !     गीत - मंगेश पाडगावकर संगीत - पु. ल. देशपांडे स्वर - पं. जितेंद्र अभिषेकी राग - भूप (नादवेध), देसकार (संगीत यात्रा)