घनु वाजे घुणघुणा । वारा वाजे रुणझुणा । भवतारकु हा कान्हा । वेगीं भेटवा का ॥१॥ चांदु वो चांद्णे । चांपेवो चंदनु । देवकीनंदनु । वीण अणू नावडे वो ॥२॥ चंदनाची चोळी । माझे सर्व अंग पोळी । कान्हो वनमाळी । वेगीं भेटवा कां ॥३॥ सुमनाची सेज । सितळ वो निकी । पोळे आगीसारिखी । वेगीं विझवा कां ॥४॥ तुम्ही गातसां सुस्वरे । ऐकोनि द्या उत्तरे । कोकिळें वर्जवें । तुम्हीं बाईयांनो ॥५॥ दर्पणी पाहतां । रूप न दिसे आपुलें । बाप रखुमादेवीवरें । विठ्ठलें मज ऐसें केलें ॥६॥     रचना - संत ज्ञानेश्वर संगीत - पं. हृदयनाथ मंगेशकर स्वर - लता मंगेशकर राग - बागेश्री (नादवेध)