राधा गौळण करिते मंथन आविरत हरिचे मनात चिंतन सुवर्ण चंपक यौवन कांती हिंदोलत ती मागे पुढती उजव्या डाव्या झुलत्या हाती कृष्ण कृष्ण ते बोलत कंकण नाद मुरलीचा पडता कानी बावरली ती गोकुळ हरिणी छुमछुम छंदी घुंगूर चरणी गुणगोविंदी गेली रंगून राधेविण ते मंथन चाले नवल बघाया नवनित आले ध्यान तियेचे उघडी डोळे दृष्टी पुढती देवकीनंदन     गीत - पी. सावळाराम संगीत - वसंत प्रभू स्वर - आशा भोसले