ही कुणी छेडिली तार प्राजक्ताच्या मधुगंधासम कुठुनी ये केदार ! तूच छेड ती, तूच ऐक ती आर्त सुरावट तुझ्याच हाती स्पर्षावाचून तूच छेडिसी माझी हृदयसतार ! जागृत मी का, आहे स्वप्नी श्रवण पडे पण दिसे न नयनी स्वप्नातच का मजसी बोलले माझे राजकुमार ! स्वप्नासम मज झाले जीवन स्वप्न ही निरस, सखी तुझ्यावीण अर्ध्या रात्री शोधीत आलो तुझे प्रियतमे दार ! वेलीवर त्या नका चढू नका चढा सूर नच लवे गायका तूच चढविला तारस्वर हा तूच तोड ही तार !     गीत - ग. दि. माडगूळकर संगीत - पु. ल. देशपांडे स्वर - आशा भोसले, पं. वसंतराव देशपांडे चित्रपट - गुळाचा गणपति (१९५३) राग - केदार (नादवेध)