जगी हा खास वेड्यांचा, पसारा माजला सारा गमे या भ्रांत संसारी, ध्रुवाचा ’वेड’ हा तारा कुणाला वेड कनकाचे, कुणाला कामिनी जाचे भ्रमाने राजसत्तेच्या, कुणाचे चित्त ते नाचे कुणाला देव बहकवी, कुणाला देश चळ लावी कुणाची नजर धर्माच्या निशेने धुंदली भारी अशा या विविध रंगाच्या पिशाच्या लहरबहरीनी दुरंगी दीन दुनियेची, जवानी रंगली सारी     गीत - वीर वामनराव जोशी संगीत - वझेबुवा स्वर - दीनानाथ मंगेशकर नाटक - रणदुंदुभि (१९२७) चाल - गझल ’नियामत सखे आई है’