या चिमण्यांनो परत फिरा रे, घराकडे अपुल्या जाहल्या तिन्हीसांजा जाहल्या दहा दिशांनी येईल आता, अंधाराला पूर अशा अवेळी असू नका रे आईपासुन दूर चुकचुक करिते पाल उगीचच चिंता मज लागल्या इथे जवळच्या टेकडीवरती, आहो आम्ही आई अजून आहे उजेड इकडे, दिवसहि सरला नाही शेळ्या, मेंढ्या अजुन कुठे ग, तळाकडे उतरल्या अवतीभवती असल्यावाचुन, कोलाहल तुमचा उरक न होतो आम्हा आमुच्या कधिही कामाचा या बाळांनो, या रे लौकर, वाटा अंधारल्या     गीत - ग. दि, माडगूळकर संगीत - श्रीनिवास खळे स्वर - लता मंगेशकर चित्रपट - जिव्हाळा (१९६८)