जन्मच हा तुजसाठी प्रिया रे नव्हत्या माहित मज वेडीला जन्मांतरीच्या गाठी मनात आला विनोद केवळ बोलुन गेले काही अवखळ ओठी होती अल्लड बोली, आतुरता पोटी चुरगळली हिरवी पाने सहजपणाने, अज्ञानाने आज उमटली लाल नवेली मेंदी तळहाती परिहासाची विसर बोलणी आठव होते काय लोचनी परिचय झाला प्रणयासाठी, परिणय मग शेवटी     गीत - ग. दि. माडगूळकर संगीत - सुधीर फडके स्वर - आशा भोसले चित्रपट - गरीबाघरची लेक (१९६९)