किलबिल किलबिल पक्षि बोलती, झुळझुळ झुळझुळ झरे वाहती, पानोपानी फुले बहरती, फूलपाखरे वर भिरभिरती, स्वप्नी आले काही, एक मी गाव पाहिला बाई ! त्या गावाची गंमत न्यारी, तिथे नांदती मुलेच सारी कुणी न मोठे कुणी धाकटे, कुणी न बसते तिथे एकटे सारे हसती, गाति नाचती, कुणी रडके नाही नाही पुस्तक नाही शाळा, हवे तेवढे खुशाल खेळा उडो बागडो, पडो, धडपडो, लागत कोणा नाही तिथल्या वेली गाणी गाती, प-या हस-या येती जाती झाडावरती चेंडु लटकती, शेतामधुनी बॅटी म्हणाल ते ते सारे होते, उणे न कोठे काही     गीत - शांता शेळके संगीत - श्रीनिवास खळे स्वर - सुषमा श्रेष्ठ